SONYACARDIGAN - Icelandic

Íslenska útgáfan

Style SONYACARDIGAN er prjónauppskrift.

Uppskriftin er send á netfang sem gefið er upp og í  PDF formi sem hægt er að hlaða niður.

Stærðartafla

Stærðir  XS   (S)    M   (L)   XL   (XXL)

1. Yfirvídd

97  (99,5) 102 (104,5) 108,5 (110,5)

2. Lengd á bol til handveg

17  (18)   19   (20) 20,5   (20,5)

3. Lengd á ermum til handveg

40,5 (41,5) 42,5 (43) 43 (43)

Málin eru byggð á peysunni fyrir þvott, málin geta breyst eftir að peysan hefur verið þvegin.

Hæfni: Byrjendur og lengra komnir

Efni

Handlitað Chunky baby alpaca, 100% baby alpaca ull. Mjúkt og skemmtilegt garn að vinna með. Hver hespa inniheldur 100 m / 100 gr.

Chunky baby litur 1: 4 (4) 4 (5) 5 (5)

Chunky baby litur 2: 2 (2) 2 (3) 3 (3)

Chunky baby litur 3: 1 (1) 1 (1) 1 (1)

Hringprjónar 40 og 80 / 100 cm í 6 mm

Hringprjónar 40 cm í 5 mm
5 x 5 mm sokkaprjónar
Saumnál til að fela enda

Auka prjónar eða afgangsgarn til að geyma lykkjur 10 x prjónamerki
4 x tölur 3 cm
Fínn þráður og saumnál til að festa tölurnar

Prjónfest

Hafið í huga að sannreyna prjónfestu áður en hafist er á verkefninu. Fitjið upp 16 L og prj 21 umf á prj 6 mm fyrir 10 x 10 cm prjónfestu. Ef prjónfestan mælist smærri í cm, skiptið yfir á stærri prjóna.
Ef prjónfestan mælist stærri í cm, skiptið yfir á minni prjóna.

Gott að hafa í huga

Peysan er prjónuð ofan frá og niður, fram og tilbaka með útaukningu eða þar til berustykkið hefur náð réttu ummáli. Berustykkinu er deilt upp við handveg, fyrir bol og tvær ermar. Bolurinn og ermarnar eru þar eftir prjónuð aðskilin, ermarnar í hring og bolurinn fram og tilbaka. Listinn á innanverðri peysunni er prjónaður fram og tilbaka sem stroff og opnað er fyrir tölum á listanum.

Lesið yfir uppskriftina áður en hafist er á verkefninu.

Magn af garni er miðað við meðaltal, og getur þar af leiðandi verið mismunandi fyrir hvern og einn. Uppskriftin getur verið prjónuð í hvaða garni sem er, með sömu prjónfestu og Chunky baby .