DUNA SPECIAL EDITION - Icelandic

Íslenska útgáfan Style DUNASWEATER er prjónauppskrift. Uppskriftin er send á netfang sem gefið er upp og í PDF formi sem hægt er að hlaða niður.

Stærðartafla

Stærðir (cm)                                                               XS   (S)   M   (L)   XL  (XXL) 3XL (4XL)

1.Yfirvídd                                     98 (105) 119 (123,5) 127 (134) 138 (145)

2.Heildarlengd, mælt frá miðju baki (án kraga)  47 (48,5) 52,5 (56) 56,5 (58,5) 58,5 (58,5)

Uppgefin mál eru tekin af peysunni eftir þvott. Duna sweater er hönnuð með það í huga að vera rúmgóð í stærðum, sérstaklega í minni stærðunum, en í stærri stærðunum er hún aðeins rúmminni.

Hæfni : Hálft klukkuprjón, einnig kallað Brioche. Prjónað í hring með bæði útaukningu og úrtöku.

Efni

Fingering Organic frá Thelma Steimann, garnið er 100% vistvæn handlituð merino ull. Meðallengd ca. 80m / 20 g í hverri hespu. Dásamlega mjúk ull til að vinna með.

Fingering Organic: sirka 490gr (550gr) 620gr (640gr) 670gr (700 gr) 730gr (750gr)

Hringprjónar 5,5 mm í 40 og 100/80 cm.

Saumnál til að fela enda.

Prjónamerki.

Umferða teljara.

Lykkju snúru til að geyma lykkjur.

Prjónfesta

Hafið í huga að sannreyna prjónfestu áður er byrjað er á peysunni.

10 x 10 cm : Fitjið upp 11 L  á prj 5,5 mm með tvöföldu bandi og prj 30 umf af klukkuprjóni. 1 umf er 1 L sl, 1 L br. Í næstu umf og áfram er et *1 L br, prjónið 1 L slétt í lykkjuna*. Þvoið prufuna og leggið til þerris, prufan ætti að stækka við þvott. Hafið í huga að prjónfestan er prjónuð með klukkuprjóni en peysan er prjónuð með hálfu klukkuprjóni.

Ef prjónfestan mælist smærri í cm, skiptið yfir á stærri prjóna.

Ef prjónfestan mælist stærri í cm, skiptið yfir á minni prjóna.

Gott að hafa í huga

Peysan er prjónuð ofan frá og niður í hring. Berustykkið er prjónað með raglan útaukningu og síðar deilt upp í ermarnar og bolinn. Ermarnar eru prjónaðar með úrtöku.

Peysan er prjónuð með hálfu klukkuprjóni eða brioche, það eru til nokkrar útfærslur af klukkuprjóni og ég mæli með því að prjóna með þeirri útgáfu sem þér finnst þægilegast að vinna með. Uppskriftin er skrifuð út frá því að slá upp og færa eina slétta lykkju óprjónaða yfir í annarri hverri umferð. Þegar úrtakan og útaukningin eru prjónaðar eru alltaf annaðhvort fjarlægðar tvær lykkjur eða bætt við tveimur lykkjum.

Þú finnur fyrirfram valdar garnsamsetningar í KIT á heimasíðunni sem hjálpa þér að velja liti sem renna fallega saman. Uppskriftin gefur áætlaða garnnotkun til viðmiðunar. Mini hespunar þurfa ekki allar að vera í mismunandi litum og einnig er hægt að prjóna peysuna í einum lit í gegn (en þá gæti Duna Original verið betri kostur fyrir þig). Þetta er líka fullkomin peysa til að nota garnafganga.

Peysan er prjónuð með tvöföldum bandi af Fingering Organic í gegnum allt verkið, þannig að þú prjónar alltaf með tvo þræði saman.

Hugmyndir að því hvernig má vinna með litina

Það eru margar leiðir til að sameina litina ,hér eru nokkrar hugmyndir:

1. Ombre / litaflökt frá ljósu yfir í dökkt

Þú getur búið til ombre-áhrif með því að fara frá ljósum litum yfir í dekkri (eða öfugt).

Veldu einfaldlega litarað sem breytist smám saman og fylgdu henni meðan þú prjónar.

2. Láréttar rendur

Ef þú vilt láréttar rendur:

Prjónaðu með tveimur böndum saman í einu. Þegar þú ert tilbúin(n) að skipta, ferðu yfir í næstu 2 liti. Ef þú vilt jafnmargar umferðir í hverri rönd, teldu einfaldlega umferðirnar. Hafðu í huga að eftir því sem peysan stækkar verða umferðirnar líkamlega lengri, svo ekki gera fyrstu rendurnar of háar, annars getur efri hluti peysunnar orðið þynngri með löngu bili á milli litaskipta.

3. Lóðréttar rendur (brioche-áhrif)

Fyrir lóðréttar rendur vinnurðu með samtals fjórum böndum , tvö bönd fyrir hverja litasamsetningu:

Þú prjónar enn með tveimur böndum í einu, en ert einnig með annað sett af tveimur sem þú notar aðra hverja umferð.

Hér þarftu að ákveða:

Hvaða litapör eru notuð í brioche-lykkjurnar (þær sem standa út), og hvaða litapör eru notuð í röngu bakgrunninn.

Ef þú skoðar uppskriftina:

Liturinn sem notaður er í umferð 2 verður rönguliturinn.

Liturinn sem notaður er í umferð 3 verður liturinn sem brioche-lykkjurnar birtast í.

4. Mjúkar litaskiptingar

Þú getur líka búið til fade með því að blanda litunum smám saman:

Prjónaðu með tveimur böndum saman. Þegar þú ert komin(n) um það bil hálfa leið í gegnum hespu, klippirðu annað bandið og skiptir honum út fyrir nýjan lit. Þannig „rennur“ einn litur alltaf yfir í þann næsta og þú færð mjúkar litaskiptingar í stað skarpra blokka.