OPENBACKTOP - Icelandic

Íslenska útgáfan

Style OPENBACKTOP er prjónauppskrift.

Uppskriftin er send á netfang sem gefið er upp og í PDF formi sem hægt er að hlaða niður.

Stærðartafla

Ein stærð (cm)

1. Breidd við hálsmál                                 

13 cm

2. Breidd við brjóstmál                              

58 cm

3. Lengd                                                       

47 cm

Það er bæði hægt að aðlaga víddina og lengdina á toppinum með hlýrunum á bakhliðinni. Málin eru byggð á toppnum fyrir þvott 

Hæfni: Byrjendur og lengra komnir 

Efni

Handlitað Mulberry silki frá Thelma Steimann. Silkið er ótrúlega fallegt og mjúkt garn til að prjóna með, það gefur fallega glansandi og léttleika í flíkinni. Meðallengd ca 400m / 100 g í hverri hespu.

Mulberry silki : 1

Eða

Fine merino perlugarn frá Thelma Steimann, garnið er 100% vistvæn handlituð merino ull. Meðallengd ca. 365m/100g í hverri hespu. Dásamlega mjúk ull til að vinna með.

Fine organic: 1

Hrinprjónar 80/100 cm í 3 mm

2 x sokkaprjónar fyrir hlýra

Saumnál til að fela enda og sauma kantana

2 x prjónamerki

Prjónfesta

Hafið í huga að sannreyna prjónfestu áður en hafist er á verkefninu. Fitjið upp 30 L á prj 3 mm og prjónið slétt 40 umferðir fyrir 10 x 10 cm prjónfestu. 

Ef prjónfestan mælist smærri í cm, skiptið yfir á stærri prjóna. 

Ef prjónfestan mælist stærri í cm, skiptið yfir á minni prjóna.

Gott að hafa í huga 

Toppurinn er prjónaður fram og tilbaka með sléttu prjóni. Toppurinn er prjónaður ofan frá og niður með útaukningu á hliðunum. Þegar toppurinn hefur náð fullri vídd er prjónað áfram með úrtöku og útaukningu á hliðunum. Hlýrinn er prjónaður með i-cord tækninni og þræddur í gegnum hliðarnar sitthvoru meginn og kantinn við hálsin. Á síðustu blaðsíðunni í uppskriftinni er hægt að finna teikningar sem útskýra hvernig sauma á niður kantana á röngunni.

Lesið í gegnum uppskriftina áður en hafist er á verkefninu. 

Magn af garni er miðað við meðaltal, og getur þar af leiðandi verið mismunandi fyrir hvern og einn. Uppskriftin getur verið prjónuð í hvaða garni sem er, með sömu þykkt og Fine Merino/ Mulberry silki.