Íslenska útgáfan
 
Style EILISHSWEATER er prjónauppskrift.
 
Uppskriftin er send á netfang sem gefið er upp og í  PDF formi sem hægt er að hlaða niður.
 
Stærðartafla
 
Stærðir (cm)  XS (S) M (L)  XL  (2XL)    
1. Yfirvídd                             
92 (96) 102 (108) 116 (126) 
2. Lengd á bol                                     
48 (50) 52 (54) 56 (58)
3. Lengd á ermum til handveg                               
46,5 (47) 47,5  (48) 48  (48)
 
Málin eru byggð á peysunni fyrir þvott, málin geta breyst eftir að peysan hefur verið þvegin. Hafið í huga að peysan á að vera víð í stærðum.
 
Hæfni : Byrjendur og lengra komnir
 
Efni
 
Organic merino DK frá Thelma Steimann, garnið er 100% vistvæn handlituð merino ull. Meðal lengd ca. 225m/100g í hverri hespu. Dásamlega mjúk ull til að vinna með.
 
ORGANIC DK : 4 (5) 5 (5) 6 (6)
 
Hringprjónar 4 mm í 40 & 80 cm.
Hringprjónar 3,5 mm in 40 cm.
5 x sokkaprjónar 3,5 mm.
Saumnál og prjónamerki.
Heklunál.
2 x stórar öryggisnálar eða afgangsgarn til að geyma ermarnar
 
Prjónfesta
 
Hafið í huga að sannreyna prjónfestu áður en hafist er á verkefninu. Fitjið upp 21 L og prj 29 umf á prj 4 mm fyrir 10 x 10 cm prjónfestu.
Ef prjónfestan mælist smærri í cm, skiptið yfir á stærri prjóna.
Ef prjónfestan mælist stærri í cm, skiptið yfir á minni prjóna.
 
Gott að hafa í huga
 
Peysan er prjónuð ofan frá og niður, fitjað er upp fyrir hálsmálinu og þar eftir er aukið út fyrir berustykkinu. Peysan er svo opnuð upp við handveg, þar sem bolurinn og ermarnar eru prjónuð í sitthvoru lagi í hring.
 
Magn af garni er miðað við meðaltal, og getur þar af leiðandi verið mismunandi fyrir hvern og einn. Uppskriftin getur verið prjónuð í hvaða garni sem er, með sömu þykkt og Organic Merino DK .